Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 8.88.2 | Hdt. 8.90.1 (English) | >>Hdt. 8.91.1 |
8.89.1
ἐν δὲ τῷ πόνῳ τούτῳ ἀπὸ μὲν ἔθανε ὁ στρατηγὸς Ἀριαβίγνης ὁ Δαρείου , Ξέρξεω ἐὼν ἀδελφεός , ἀπὸ δὲ ἄλλοι πολλοί τε καὶ ὀνομαστοὶ Περσέων καὶ Μήδων καὶ τῶν ἄλλων συμμάχων , ὀλίγοι δέ τινες καὶ Ἑλλήνων · ἅτε γὰρ νέειν ἐπιστάμενοι , τοῖσι αἱ νέες διεφθείροντο , καὶ μὴ ἐν χειρῶν νόμῳ ἀπολλύμενοι , ἐς τὴν Σαλαμῖνα διένεον .
8.89.2 τῶν δὲ βαρβάρων οἱ πολλοὶ ἐν τῇ θαλάσσῃ διεφθάρησαν νέειν οὐκ ἐπιστάμενοι . ἐπεὶ δὲ αἱ πρῶται ἐς φυγὴν ἐτράποντο , ἐνθαῦτα αἱ πλεῖσται διεφθείροντο · οἱ γὰρ ὄπισθε τεταγμένοι , ἐς τὸ πρόσθε τῇσι νηυσὶ παριέναι πειρώμενοι ὡς ἀποδεξόμενοί τι καὶ αὐτοὶ ἔργον βασιλέι , τῇσι σφετέρῃσι νηυσὶ φευγούσῃσι περιέπιπτον .
ch. 90
8.90.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 8.88.2 | Hdt. 8.90.1 (English) | >>Hdt. 8.91.1 |